Eskoziako Glasgow hiriko taldea dugu; Chemical Underground musika zigilu independentearen ardura du, eta Pedro Delgado txirrindulari famatuaren deituratik hartua du izena. Batere agerikoa ez den pop baten aitzindari hauek, folkaren eragina ageri dutelarik eta biolinak, txeloak eta abar oso gustagarriro erabiliz, beren hirugarren diskoa aurkeztera datozkigu: "The Great Eastern". Albuma Dave Fridman famatuak (Flaming Lips, Mercury Rev, Mogwai) ekoiztua da. Kanta zoragarriak ditu, orkestrazio konplexuz jantziak, eta hamar musikarik osatutako banda eder batek aurkeztuko dizkigu zuzenean. www.chemikal.co.uk