Manchesterretik iritsi da A GUY CALLED GERALD, Gerald Simpsonen izen artistikoa, gaur egungo musikako artistarik berritzaileena. Hastapeneko esperimentuak “techno” eta “acid house” estiloetan egin zituen eta “drum & bass” musikari ekarpen apurtzaileak egin ondoren genero horren barruan jarraitu du lanean. Bere azken diskoan, Essence, “drum & bass” eta “dub”eko osagaien nahasketa handizaleak eskaintzen dizkigu, baita doinu bikainak ere. Gaztemaniak! programak gonbitea luzatzen dizu “dance” musikako nazioarteko zirkuitoko aintzindarietako bat zuzenean entzuteko. Heinz Allöt Ander Vidaur donostiarraren proiektu pertsonala da eta musika akustikoa osagai elektronikoekin nahasten du. .