| |
 |
|
|
 |
|
 |
 |
 |
 |
|
The
Straitjackets taldea rock instrumentaleko hirukote
gisa eratu zen 1988an Eddie Angel gitarra jole ospetsuaren
gidaritzapean. Angelekin batera, hirukia osatuz, Danny
Amis beste gitarra jolea eta L.J. "Jimmy" Lester
bateria jolea zeuden. Konboa dibertitzeko eta Nashville
inguruan jotzeko asmoarekin sortu zen. Baina, sei urte
geroago E. Scott Esbeck baxu jolea fitxatu zuten eta
demo bat izan nahi zuena beren lehen disko bihurtu
zen: "The Utterly Fantastic and Totally Unbelievale
Sound of Los Straitjackets" (1995).
Ordurako jada hasita
zeuden mexikar borrokalari libreen maskaretan mozorrotuta jotzen eta artikulua
jarri zioten izenari horrela espainiar itxura emateko, aurrerantzean Los Straitjackets
deitura hartuz. Hori guztia Danny bandako baxu joleak erakusten duen trash kultura
mexikarraren fanatismoari esker. Laukoteak askotan jaso du gure garaiko rock
instrumentalaren talderik onenaren aipamena. Eddie Angelek aitortzen du gaur
egun taldeak lan asko egiten duela zinema eta telebistarako, baina horrek ez
duela esan nahi, eransten du, maskaratutako taldea tauletatik urrundu denik platoetan
edo soinu bandetan bakarrik aritzeko. Askoz gehiago ez dago esateko. Bizi diren
edo lan egiten duten herrian olaturik ez badago, ez zaitezte kezkatu, jaun horiek,
rock instrumentalaren titan horiek, ekarriko dizkizue, ez al zarete bada entzuten
ari itsasoaren hotsa beren bizkarrean. |
|
 |
|
|
 |
 |
 |
 |
|
|
|
|
|
|
