Bi urteko ibilbidean single batzuk eta “How To Operate With A Blown Mind” bilduma bikaina atera ondoren, musika prentsaren goresmenak jaso ditu banda honek. Aurtengo MNE Brat sarietan ere banda berririk onenaren saria irabazi du. Bere musika, ezin esan ez rocka ez dantza denik, baina ezta bietatik pixka bana hartuta osatutakoa ere. Lo-Fidelity Allstars-ek dena bereganatzen du,

batere lotsarik gabe, samur-samur. Hemen denetarik sartzen da: urratu sinesgaitzak, erritmo-haustura hilkariak, ñabardura psikodelikoak eta baita punk espiritua ere. Batzuen iritziz, New Order eta The Fall-en gurutzaketa direla esan liteke. Orain daukazu zuzenean entzuteko aukera.


DAVE RANDALL ahotsak
PHIL WARD DJaren platerak
MARTIN WHITEMAN teklatuak
ANDY DICKINSON baxua
JOHNNY MACHIN bateria
MATT HARVEY teklatuak

http://www.skint.net