Velocette talde sortu berriak 1997ko maiatzean argitaratu zuen estreinako singlea: Get yourself together. Hori nahikoa izan zen Melody Makerrek "asteko singletzat" jo zezan, eta NMEk, taldeko kantaria -Sarah Bleach- aipa zezan: izarra izatera irits litekeena.

Londresko talde honek, oraindik orain, estreinako albuma argitaratzen zuen: Four fold remedy. Doinu hauen artean mugitzeko gai da: soul-jazz, conga edo funk. Kantuek gitarra boladak eta flauta aienatuak dituzte, edota country-soul baladak orkestrako moldaketez lagunduak, eta, jakina, Sarah-ren ahots beroa eta xarmangarria. Hori guztia medio, banda berri baten gisa agertzen da Velocette: musika maila gorenak lortzen ditu, eta sakontasun zirraragarria ere bai.

WEB PAGE: www.wiiija.com